Mae’r Cynllun Seibiannau Byr yn cynnig dewisiadau seibiannau byr personol a hyblyg i ofalwyr di-dâl o gymunedau gwahanol ledled Cymru.
Gall y seibiannau fod yn amrywiol iawn, gwasanaeth, gweithgaredd neu eitem, ond maen nhw bob tro’n rhoi’r cyfle i ofalwyr di-dâl fwynhau rhywfaint o amser gwerthfawr iddyn nhw’u hunain neu hoe o’r drefn feunyddiol. Maen nhw’n cynnig cyfle mawr ei angen i ofalwyr roi sylw iddyn nhw’u hunain a’u hiechyd meddyliol, emosiynol a chorfforol eu hunain. Maent yn cael eu teilwra ar gyfer anghenion y gofalydd a’u teulu, a gallant hefyd helpu cryfhau perthnasoedd gofalu a gwella llesiant gofalwyr a’r bobl maen nhw’n eu cefnogi.
Gall gofalwyr ddewis o blith seibiannau dros nos, gweithgareddau dydd, gweithgareddau grŵp a Micrograntiau i fyny at £50. Gall y seibiant fod yn rhywbeth maen nhw’n ei wneud ar eu pen eu hunain, neu gyda’r person maen nhw’n gofalu amdanynt, neu gallant gynnwys y teulu cyfan hyd yn oed. Gall yr arian helpu hefyd i ddarparu gofal amnewid er mwyn i ofalydd allu mwynhau seibiant o’u dewis gan wybod fod y person maen nhw’n gofalu amdanynt mewn dwylo diogel.
Diolch ichi am ein helpu i ail-gysylltu a chlirio fy mhen a gwneud imi sylweddoli fod gen i’r egni i ddal ati a gwneud beth sydd angen ei wneud!
Anna a Sanjay*, gofalwyr a gafodd seibiant dros nos, a drefnwyd gan Rewild Play.
Gallai enghreifftiau gynnwys:
Er bod gofalu am geraint sydd â chancr yn heriol ac yn gyfrifoldeb parhaus, mae cyfnodau fel y rhain yn gallu cynnig gollyngdod ac adnewyddiad mawr eu hangen.
Cymorth Cancr Ray of Light
Mae’r seibiannau’n cael eu trefnu gan ein rhwydwaith o Bartneriaid Darparu ledled Cymru. Mae ein Partneriaid Darparu yn trefnu a rheoli’r holl weithgareddau ar gyfer gofalwyr di-dâl yn eu hardal. I ddod o hyd i seibiant byr, defnyddiwch ein Cyfeiriadur hwylus sy’n cynnwys manylion yr holl weithgareddau sydd ar gael ar hyn o bryd, â phwy y dylid cysylltu a sut i wneud cais.
*Newidir enwau i ddiogelu preifatrwydd
Gallai’r rhain fod yn weithgarwch untro neu’n glwb neu ddosbarth rydych yn mynd iddo’n rheolaidd, dosbarth ioga efallai, côr, neu docynnau i’r parc hwyl lleol. Gallant eich helpu i feithrin clymau gyda rhieni eraill, brodyr a chwiorydd a gofalwyr sy’n mynd drwy sefyllfaoedd tebyg.
Mae grant bychan gwerth hyd at £50 ar gael i’ch helpu i drefnu eich gweithgaredd eich hun. Gallai hynny fod yn bryd o fwyd allan, taith i’r sinema neu theatr neu gyfraniad at aelodaeth mudiad fel yr Ymddiriedolaeth Genedlaethol. Bydd eich Partner Darparu lleol yn siarad gyda chi am beth orau sy’n gweddu i’ch anghenion a diddordebau.
NewyddionYmddiriedolaeth Gofalwyr Cymru yn helpu dros 11,000 o ofalwyr di-dâl i gymryd seibiant byr
Mae Ymddiriedolaeth Gofalwyr Cymru wedi cefnogi dros 11,000 o ofalwyr di-dâl i gymryd seibiant byr o’u cyfrifoldebau gofalu. Diolch i gyllid gan Lywodraeth Cymru, mae wedi dyfarnu bron i £2 filiwn i elusennau a sefydliadau’r Trydydd Sector ledled Cymru i ddarparu amrywiaeth o weithgareddau drwy’r Cynllun Seibiannau Byr.
Mae’r Cynllun Seibiannau Byr yn cael ei ariannu gan Lywodraeth Cymru a’i drefnu mewn partneriaeth â’r Ymddiriedolaeth Gofalwyr a Byrddau Partneriaeth Ranbarthol.
Mae Llywodraeth Cymru wedi neilltuo cyllideb o £9 miliwn ar gyfer y Cynllun Seibiannau Byr sy’n rhedeg o 2022-2025. Penodwyd Ymddiriedolaeth Gofalwyr Cymru yn Gorff Cydlynu Cenedlaethol ar gyfer y cynllun. Mae’r gwaith o ddosbarthu’r arian yn cael ei rannu rhwng Ymddiriedolaeth Gofalwyr Cymru a saith Bwrdd Partneriaeth Ranbarthol.
Mae Ymddiriedolaeth Gofalwyr Cymru yn darparu cyllid y Cynllun Seibiannau Byr i 24 Partner Darparu yn y trydydd sector sy’n trefnu a rheoli’r seibiannau ac yn cynnig cefnogaeth i ofalwyr di-dâl ledled Cymru.
Mae Ymddiriedolaeth Gofalwyr Cymru yn darparu cyllid i 24 Partner Darparu yn y trydydd sector ar gyfer cynnig seibiant byr i ofalwyr di-dâl yng Nghymru. Rydym yn gweithio gyda Phartneriaid Darparu ar draws ardaloedd pob awdurdod lleol yng Nghymru. Mae ein Partneriaid Darparu yn amrywio o ran maint a ffocws, o grwpiau bychain dan arweiniad gwirfoddolwyr i elusennau mawr.
Chwiliwch am wasanaethau gofalwyr yn eich ardal chi trwy ein rhwydwaith o bartneriaid arbenigol ledled Cymru.
